Муколамаи дипломатияи тиббӣ ва ҳамкориҳои илмию фарҳангӣ байни Тоҷикистон ва Австрия

Рӯзи 28 сентябр дар шаҳри Вена мулоқоти расмии Сафири Фавқулода ва Мухтори Ҷумҳурии Тоҷикистон дар Ҷумҳурии Австрия Манучеҳр Ҷобир бо Президенти Ассотсиатсияи табибони «Avicenna» доктор Самира Маҷлесӣ доир гардид.

Таҳлилгарони соҳаи тандурустӣ ва дипломатия бар ин боваранд, ки рушди робитаҳо бо марказҳои тиббию илмии Аврупо барои тақвияти соҳаи тандурустии Тоҷикистон уфуқҳои нав мекӯшояд. Бино ба иттилои расмии Сафорати Ҷумҳурии Тоҷикистон дар Австрия, зимни ин мулоқоти созанда ҷонибҳо роҷеъ ба имконоти васеи ба роҳ мондани ҳамкориҳои илмӣ ва фарҳангӣ табодули афкори амиқ намуданд.

Коршиносон таъкид мекунанд, ки номи Ассотсиатсияи «Avicenna» (Абуалӣ ибни Сино) худ як пули таърихию фарҳангӣ байни Тоҷикистон ва доираҳои тиббии ҷаҳонӣ ба шумор рафта, заминаро барои табодули таҷрибаи табибон, баргузории конгрессҳои илмии муштарак ва ҷорӣ намудани технологияҳои нави тиббӣ дар кишвар фароҳам месозад.

“Рӯзгор”