Густариши ҳамкориҳо бо ҷаҳони ислом: Мулоқоти Акрам Каримӣ бо Дабири кулли нави СҲИ

Дар шаҳри Ҷидда вазъи кунунӣ ва афзалиятҳои таҳкими робитаҳои Тоҷикистон бо Созмони ҳамкории исломӣ ва ниҳодҳои зерсохтории он мавриди баррасӣ қарор гирифтанд.

Сафири Фавқулода ва Мухтори Ҷумҳурии Тоҷикистон дар Подшоҳии Арабистони Саудӣ ва Намояндаи доимии кишвар дар назди Созмони ҳамкории исломӣ (СҲИ) Акрам Каримӣ бо Дабири кулли тозаинтихоби ин созмон Исмоил валад Шайх Аҳмад вохӯрии расмӣ анҷом дод.

Тавре ки аз Сафорати Ҷумҳурии Тоҷикистон дар Подшоҳии Арабистони Саудӣ хабар доданд, дар ин мулоқоти сатҳи баланд масъалаҳои муҳим ва мубҳаси рӯзномаи ҳамкориҳои дуҷониба мавриди таҳлилу баррасӣ қарор гирифтанд.

Меҳварҳои асосии мулоқот ва таҳкими фаъолияти муштарак

Ҷонибҳо дар рафти суҳбат ба самтҳои зерини густариши робитаҳо таваҷҷуҳи махсус зоҳир намуданд:

- Баррасии вазъи кунунии муносибатҳои Ҷумҳурии Тоҷикистон бо Созмони ҳамкории исломӣ.

- Тавсеаи фаъолият ва робитаҳои мустақим бо ниҳодҳои зерсохтории Созмони ҳамкории исломӣ.

- Муайян намудани роҳҳои нави таҳкими фаъолияти муштарак ва татбиқи лоиҳаҳо дар доираи созмон.

Дар анҷоми вохӯрӣ омодагии ҳарду ҷониб барои рушди минбаъдаи муносибатҳо ва мусоидат ба таҳкими ҳамбастагӣ дар фазои ҷаҳони ислом таъкид гардид.

“Рӯзгор”