ФАЪОЛИЯТИ ФУРӮДГОҲИ ҚӮРҒОНТЕППА МУТАВАҚҚИФ ШУД

Фурӯдгоҳи шаҳри Қўрғонтеппа ба хотири таъмир ва навсозӣ барои муддате аз фаъолият бозмондааст.

Хушвахт Сафаров, муовини мудири фурӯдгоҳи шаҳри Қўрғонтеппа гуфт, ин фурӯдгоҳ баъди 30-соли фаъолияташ барои бори аввал таъмир мешавад ва пас аз навсозӣ, ҳавопаймоҳои бештареро метавонад қабул кунад.

Ба гуфти оқои Сафаров аз буҷети фурӯдгоҳ барои навсозии бонди парвоз ва мутобиқсозии он бо стандартҳои байналмилалӣ 1,5 миллион сомонӣ ихтисос шудааст.

Вай гуфт, пас аз ин аз ин ҷо ҳавопаймоҳо ба Маскав, Чилябинск, Свердловск ва Якутия парвоз мекунад.