СИТОРАҲОИ ҶАҲОНӢ БАРОИ ТОҶИКИСТОН КУМАК МЕҶӮЯНД

ONE, як гурӯҳи мубориза бо фақр, ки  ситораҳои маъруф Боно ва Боб Гелдоф таъсис додаанд, аз раҳбарони G8 хостанд, ба соҳаи кишоварзии 30 кишвари фақиртарини дунё, аз ҷумла Тоҷикистон, сармоягузории бештар карда, ба гуруснагӣ ва сӯъитаъзия дар байни мардуми бенаво поён диҳанд.

Ба ҳисоби ин созмон, ин 30 кишвари фақиртарин макони чаҳоряк аз 1,4 миллиард фақирони дунёст ва ҳимояти молии кишварҳои пешрафта дастикам 50 миллион нафарро дар ин кишварҳо аз чанги фақр наҷот  хоҳад дод.

ONE дар пешорӯи нишасти сарони G8, ки моҳи май дар ҳошияи Вошингтон хоҳад гузашт, маъракаи вижаеро бо номи “Thrive”(“Шукуфоӣ”) ба роҳ андохтанист, ки ҷалби то 27 миллиард доллар кумак ба соҳаи кишоварзии 30 кишвари фақир, аз ҷумла Тоҷикистонро то соли 2015 ба ҳадаф дорад.

«Озодӣ»