ДУ СОКИНИ ВАҲДАТ БА ОДАМРАБОӢ МАЗНУН ҲАСТАНД

Вазорати умури дохилаи Тоҷикистон аз боздошти ду фарди мазнун дар одамрабоӣ хабар додааст.

Бар асоси навиштаи сойти интернетии ин вазоратхона, Содиқҷон Раҷабов ва Муқим Ҳасанов, ду сокини шаҳристони Ваҳдат фардеро гаравгон гирифта ва тӯли як рӯз ӯро дар бинои корхонаи симон нигаҳ доштаанд.

Дар идомаи ин хабар омадааст, ки пулиси тоҷик дар як амалиёти вижа тавонистааст ҷабрдида, ки аз ӯ ба унвони Бахтиёр Пиров ном бурда мешавад, озод ва одамрабоён боздошт шаванд.

Дар робита ба ин ҳодиса вазорати умури дохила парвандаи ҷиноӣ боз карда ва бозрасон таҳқиқи онро оғоз кардаанд.

Дар ин хабар далели гаравгон шудани Бахтиёр Пиров шарҳ нашудааст, вале гуфта мешавад, ахиран иддае аз ин афрод бо ҳадафи баргардонидани бидеҳиҳои худ аз сӯйи бидеҳкорон (қарздорон) ба чунин аъмол даст мезананд.

Би-Би-Си