ДОКТОР АБДУЛҒАФУРИ ОРЗУ АЗ ФАРҲАНГИЁНИ ТОҶИКИСТОН НОРОЗИСТ

Доктор Абдулғафури Орзу, сафири Ҷумҳурии Исломии Афғонистон дар Ҷумҳурии Тоҷикистон аз фарҳангиёни Тоҷикистон, аз ҷумла аз масъулини Иттифоқи нависандагон ва Академияи илмҳо изҳори норозигӣ намуд. Номбурда мегӯяд, ба он далел аз фарҳангиёни Тоҷикистон гиламанд аст, ки  дар тӯли фаъолияташ дар ин кишвар нисбати ӯ бетаваҷҷӯҳи зоҳир намудаанд ва боре ӯро ҷиҳати узвият барои иттифоқ ё академия даъват накардаанд:

«Ман бо ёди ёри меҳрубон ба Тоҷикистон омадам, аммо фарҳангиёни Тоҷикистонро ман намешиносам. Бо далели он ки фарҳангиёни Тоҷикистонро фарашон пойдор бод, вале аз ҳангашон хабаре нест, ки аз ин ҷиҳат ман гила дорам. Ҳатто Иттифоқи нависандагони Шумо боре аз ман даъват накардааст, ки ба унвони узви анҷумани иттифоқи нависандагон бошам, дар ҳоле, ки борҳо ба ин анҷуман рафтааму сухан кардаам. Ҳатто дар Академияи илмҳои Тоҷикистон то ҳол боре аз ман даъват накардаанд».

Сафири Афғонистон дар Тоҷикистон, ки дар як ҳамоиш дарДушанбе ширкат дошт таъкид намуд, ки дар арсаи фарҳанг, адаб, сиёсат, таърих  ва дар маҷмӯъ 40 китоб навиштааст, ки аз ҷумла ду китоби ӯ дар заминаи рӯдакишиносӣ аст. Вале номбурда мегӯяд, аз фарҳангиёни Тоҷикистон гила дорад, ки чаро аз як дӯсти худ хабар намегиранд.

Темур Раҷабализода, «Рӯзгор»