Раиси шаҳри Душанбе бо Раиси шаҳри Шероз мулоқот намуданд

Имрӯз Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо Раиси шаҳри Шерози Ҷумҳурии Исломии Эрон муҳтарам Муҳаммад Ҳасан Асадӣ, ки бо сафари расмӣ дар Тоҷикистон қарор дорад, мулоқот намуданд.

Дар мулоқот ҷонибҳо масъалаҳои таҳкими ҳамкорӣ байни шаҳрҳои Душанбе ва Шерозро дар самтҳои гуногун мавриди баррасӣ қарор доданд.

Ҷонибҳо ҳамчунин дар сатҳи баланд таҷлил намудани 35-солагии истиқрори робитаҳои бародаршаҳрӣ дар соли 2027, ташкили Рӯзҳои фарҳанги шаҳри Душанбе дар шаҳри Шероз ва Рӯзҳои фарҳанги шаҳри Шероз дар шаҳри Душанберо ба мақсад мувофиқ арзёбӣ намуданд.

Дар мулоқот ҳамчунин доир ба дигар масъалаҳои барои ҳарду ҷониб судманд табодули афкор доир шуд.

АМИТ «Ховар»