19 медали мактаббачагони тоҷик аз олимпиадаи байналмилалӣ
Толибилмони тоҷик аз олимпиадаи байналмилалии Қазоқистон, ки аз 11-ум то 18-уми январи соли ҷорӣ баргузор шуда буд, бо 19 медал баргаштанд. Дар ин бора ба "Рӯзгор" аз дафтари матбуотии вазорати маориф ва илми кишвар иттилоъ доданд.
Манбаъ гуфт, ки дар ин олимпиада аз 17 кишвари олам 56 даста иштирок кардааст ва Тоҷикистонро хонандагони литсей-интернатҳои тоҷикӣ-туркӣ, гимназияи-интернати Тоҷикистону Руссия "Ҳотам ва ПВ", мактаби № 60, гимназияи № 53-и шаҳри Душанбе ва гимназияи ҷумҳуриявии ноҳияи Данғара намояндагӣ кардаанд ва соҳиби 1-медали тилло, 5-медали нуқра ва 13-медали биринҷӣ шудаанд.
Манбаъ дар суҳбат афзуд, ки дар соли 2014 ин нахустин ширкати хонандагони тоҷик дар чунин як олимпиадаи байналмилалии мактаббачагон аст.
"Рӯзгор"