Хайруллоев: "Коргардонҳои ҳодисаҳои Хоруғ дар Душанбе ҳастанд"
Шералӣ Хайруллоев, ёвари раиси ҷумҳури Тоҷикистон дар умури амниятӣ гуфтааст, ки коргардонҳои асосии ҳодисаҳои Хоруғ, дар Душанбе ҳастанд. Шералӣ Хайруллоев афзуд, он сенарияе дар майдон шуда ва он бозиҳое, ки дар шаҳри Хоруғ шуда гузашт, коргардонҳои асосии он дар шаҳри Душанбе мебошанд.
Ёвари раиси ҷумҳури Тоҷикистон дар сӯҳбат бо фаъолони ҷомеаи шаҳрвандии Бадахшон, ки навори он аз сӯи яке аз шабакаҳои телевизиони маҳаллӣ пахш шуда ва он ба дасти хабаргузории Азия Плюс расидааст, дар ин бора хабар дод ва гуфт, ки он афрод сӯҳбат кардааст. Ҳамзамон оқои Хайруллоев аз ин афрод номе набурд, ки онҳо ки ҳастанд.
Вай гуфт, "шахсоне ки бо проблемаи Бадахшон сару кор мегиранд, бисёриҳояшон ҳатто шаҳрванди Тоҷикистон нестанд ва дар Бадахшон на фарзанд доранд ва на хешу табору авлод ва агар ба ҳадафи сиёсиаш расида тавонад, агар тамоми Бадахшон нест шавад, вай парво надорад."
Вай афзуд, "лекин сад афсус ки мо мардум кӯҳистон гаправ ва соқда ҳастем ва гапи ҳар шахсро бовар мекунем, чунки ҳис мекунем ҳама мисли мо ва шумост."
«Озодӣ»