Ифтитоҳи шуъбаи ҷарроҳии дармонгоҳи тиббии РВКД дар Рашт
Дар доираи сафари хизматӣ вазири корҳои дохилӣ генерал-лейтенанти милитсия Раҳимзода Рамазон Ҳамро ба Дармонгоҳи тиббии РВКД дар минтақа ва ноҳияи Рашт ташриф оварда, шуъбаи ҷарроҳии дармонгоҳи мазкурро мавриди истифода қарор дод.
Мавриди зикр аст, ки дар дармонгоҳи мазкур барои фаро гирифтани беморон бо табобат ҳамаи шароитҳо муҳайё буда, он бо тамоми таҷҳизоти зарурӣ таъмин шудааст. Бояд зикр намуд, ки табобати собиқадорон ва ҳайати шахсии мақомоти корҳои дохилӣ ройгон буда, нисбат ба онҳо ғамхории ҳамаҷониба зоҳир мешавад.
Дармонгоҳи тиббии РВКД дар минтақа ва ноҳияи Рашт бо тарҳи замонавӣ сохта шуда, дар он на танҳо собиқадорон ва кормандони милитсия, балки сокинони атрофи маҳал низ ба табобат фаро гирифта мешаванд.
АМИТ «Ховар»