«Парасту 2017»: «Ҷуз сухани ганҷ магӯ»

«Ҷуз сухани ганҷ магӯ» намоишномаест, ки Шамсияи Қосим бар асоси чанд қисса аз дафтарҳои аввал ва дуюми «Маснавии маънавӣ» ва ғазалҳои Мавлоно Ҷалолиддини Балхӣ ва абёте аз Ҳаким Абӯалӣ ибни Сино таҳия намудааст. Он достонест тахаюлӣ дар бораи бархӯрди олим ва ориф дар симои Ҳаким Абӯалӣ ибни Сино бо шайхе, ки худро девона вонамуд мекунад. Духтари шайх, Хуршед, ки лол аст, сумбули ҳақиқатест, ки ҳарфи Ӯро танҳо аз роҳи дил метавон дарк кард.

Намоишномаро дар театри таҷрибавии тамошобини ҷавон ба номи Муҳаммадҷон Қосимов Аҳорун коргардон Сабоҳат Қосимова ба саҳна гузоштааст. Он шоми дирӯз (18.04.2017) дар доираи Фестивал-озмуни ҷумҳуриявии «Парасту 2017» намоиш дода шуд.