«Парасту 2017»: Наврасии Мушфиқӣ»
Субҳи рӯзи 20-уми апрел дар бинои Театри давлатии академӣ- драмавии ба номи устод Лоҳутӣ дар доираи Фестивал-озмуни театрҳои ҷумҳурӣ «Парасту 2017» намоиши спектакли Театри вилоятии мусиқӣ-мазҳакавии ба номи Ато Муҳаммадҷонови шаҳри Қӯрғонтеппа «Наврасии Мушфиқӣ» баргузор гардид. Намоишномаи мазкурро коргардон Нигина Раҷабова бар пояи асари нависандаи маъруфи кишвар Темур Зулфиқоров рӯйи саҳна овардааст.
Наврасии Мушфиқӣ тибқи ин намоишномаи ҷаззоб мисли ҳаёти дигар симоҳои барҷастаи таъриху адабиёти кишвари азизамон пур аз қиссаҳои рангину пур аз ҳикмату андарзҳои рӯзгор аст.