Александр Усик - сазовори Ҷоми Муҳаммад Алӣ шуд

Дирӯз, 21 июли 2018, дар Толори боҳашамати варзишии Олимпийскии шаҳри Маскав дар шоҳидии 34 ҳазор тамошобин муҳорибаи байни ду муштзани маъруфи дунё дар вазни то 90 килограмм, қаҳрамони ҷаҳон дар мусобиқаҳои ташкил намудаи бонуфузтарин созмонҳои байналмилалии муштзанӣ WBASuperва IBFМурат Гассиеви 24 сола аз Федератсияи Россия ва қаҳрамони ҷаҳон дар мусобиқаҳои барпонамудаи созмонҳои байналмилалии муштзании WBOва WBCАлександр Усики 31 сола аз Украина баргузор гардид.

Аз рӯи натиҷаи 12 раунд доварон якдилона Александр Усикро ғолиби ин муштзанӣ эълон карданд. Ба Александр Усик дар баробари тасмаҳои қаҳрамонии ин чаҳор созмони байналмилалии муштзанӣ боз Ҷоми Муҳаммад Алӣ -бузургтарин муштзани оламро низ эҳдо карданд. Ҷоми Муҳаммад Алиро ба ғолиб хонуми бузургтарин муштзани дунё супорид.