Мо аз Худоем ва ба сӯйи Ӯ бармегардем...

Сомонаи “Рӯзгор” ба Раиси Маҷлиси Миллии Маҷлиси Олии Ҷумҳурии Тоҷикистон Маҳмадсайид Убайдуллоев ҷиҳати даргузашти ҳамсарашон изҳори тасаллият мекунад. Ба марҳум аз даргоҳи Худованди қодиру тавоно хонаи ободи охират ва ба бозмондагонашон сабри ҷамил хоҳон аст.

Марги ҳамсар барои марди хонадон ва модар барои фарзандон бузургтарин талафот аст. Ин ҷамъро шахсе тарк кард ва ба раҳмати Ҳақ пайваст, ки чароғи онро умре фурӯзон нигоҳ медошт. Сахт аст ба ҷигарбандон аз даст додани як сутуни хонадон. Аммо чӣ бояд кард, ки Инсон ояндаву раванда аст ва дер аст ё зуд бояд ин олами фониро ба қасди олами боқӣ тарк кунад.

Рафтани бармаҳали Модар, нури зиндагиву чароғи хонадон ҷуброннопазир аст. Умедворем Худои бузург ин модари меҳрубону дилсӯзро дар Фирдавси баринаш макон ва ба фарзандону пайвандони дар сӯгнишаста сабри Аюб медиҳад, то дарди рафтани ин азизро ба осонӣ пушти сар гузоранд.

Мо аз Худоем ва ба сӯйи Ӯ бармегардем!