Намоишгоҳи "Ҳунарҳои дастӣ ва маҳсулоти кишоварзии Афғонистон"
Намоишгоҳи дурӯза таҳти унвони "Ҳунарҳои дастӣ ва маҳсулоти кишоварзии Афғонистон" рӯзи 15-уми январи соли ҷорӣ дар Сафорати Ҷумҳурии Исломии Афғонистон дар шаҳри Душанбе бо ҳузури сафирон ва дипломатҳои намояндагиҳои хориҷии муқими Тоҷикистон, масъулини идораву ташкилотҳои мухталифи Ҷумҳурии Тоҷикистон, соҳибкорони афғон ва Иттиҳодияи занони тиҷоратпешаи афғон, расман ифтитоҳ ёфт.
Дар ин намоишгоҳ беш аз 43 ширкат ва 40 намуди маҳсулоти кишоварзӣ, аз ҷумла меваҳои хушк ва тару тоза, ба хусус анор, себ, нок, нӯшокиҳои сохти Афғонистон ва ҳунарҳои мардумӣ ба намоиш гузошта шуданд.
Дар қисми дигари барнома, навори имкониятҳои сармоягузорӣ дар Афғонистон аз ҷониби Атташеи тиҷоратии САфорати ҶИА дар ҶТ ба иштирокчиён намоиш дода шуд.
"Рӯзгор"