СҶБ БА УКРАИНА ТАВСИЯ ДОДААСТ, ТО ҲАМА АНГЕЗАНДАҲОИ ХАТАРНОКРО ДАР ОЗМОИШГОҲҲОИ БИОЛОГИИ ИН КИШВАР НОБУД СОЗАД

Дар номае Созмони ҷаҳонии беҳдошт ба давлати Украина тавсия додааст, то ҳама ангезандаҳои хатарнокро дар озмоишгоҳҳои биологии ин кишвар нобуд созад, хабар медиҳад хабаргузории Ройтерз бо истинод ба номаи Созмони ҷаҳонии тандурустӣ.

Дар санад гуфта мешавад, ки ин созмон муддати тӯлонӣ бо Киев барои ҷорӣ кардани усулҳои амниятӣ ҳамкорӣ мекунад.

"Дар доираи ин кор Созмони ҷаҳонии беҳдошт ба Вазорати тандурустии Украина ва дигар мақомоти масъул тавсия додааст, ки ҳама ангезандаҳои махсусан хатарнокро барои пешгирӣ аз резиши эҳтимолӣ нест кунанд", гуфта мешавад дар нома.

Дар ҳамин ҳол Созмони Ҷаҳонии Беҳдошт мушаххас накардааст, ки кай ба Киев тавсияҳои дахлдор додааст. Инчунин, СҶБ аз пешниҳоди маълумоти муфассал дар бораи ангезандаҳои хатарноке, ки дар Украина мавҷуданд, худдорӣ карданд.

Тавре хабаргузории REGNUM хабар дода буд, қаблан муовини раиси Департаменти давлатии ИМА Виктория Нуланд изҳор дошт, ки аз эҳтимоли гузариши ангезандаҳои биологӣ дар Украина таҳти назорати Русия нигарон аст. Ҳамзамон вай Русияро пешакӣ дар ҳодисаҳои эҳтимолии марбут ба силоҳи биологӣ ё кимиёвӣ айбдор кард.

https://regnum.ru/news/polit/3529574.html