КОМИССИЯИ АВРУПО: МО НАМЕГУЗОРЕМ, КИ ПУЛИ ГАЗРО БО РУБЛ ПАРДОХТ КУНЕМ

Гази Русия бо рубл пардохт нахоҳад шуд - мақомоти ИА ба ин иҷозат намедиҳанд, гуфт раиси Комиссияи Аврупо Урсула фон дер Лейен. Вай инро шантаж ва нақзи таҳримҳо номид. Агар касе дар бораи пардохт бо рубл фикр кунад, пас ин маънои саркашӣ аз таҳримҳоро дорад.

"Ин як тасмими якҷониба ва нақзи ошкори қарордод хоҳад буд", - гуфт раиси Комиссияи Аврупо ба ҳар касе, ки дар ин бора фикр мекунад, ҳушдор дод: "Ин танҳо ба мо маълум хоҳад шуд. Мо намегузорем, ки таҳримҳои мо сарнагун шавад."

Нашрияи "Politico", ки дафтараш дар Арлингтон (ИМА) ќарор дорад, бар ин назар аст, ки раисиҷумҳури Русия бо пешниҳоди пардохти пули газ бо рубл Ғарбро троллинг мекунад, аммо чунин таҳдид ба Иттиҳодияи Аврупо шӯхӣ нест. Маскав тасмими таҳримҳои Ғарбро дар заминаи заъфи худ: вобастагӣ аз манобеъи энержӣ аз Федератсияи Русия озмоиш мекунад. Аврупо ё ба талабҳои Владимир Путин итоат мекунад ё хатари муқовиматро идома дода, интизори гомҳои нав аз Русия мешавад. Дар мақолаи Politico назари коршинос Тимоти Эш оварда шудааст. Ба эътиқоди вай, Путин ҳамин тавр мехоҳад фишори таҳримҳоро коҳиш диҳад ва Ғарбро ба созиш бо ширкатҳои русӣ ташвиқ кунад.