СИЛУАНОВ: КИШВАРҲОИ БРИКС АНАЛОГИ SWIFT-РО СОХТААНД ВА АЗ ДОЛЛАР ДУР МЕШАВАНД

Вазири молияи Русия Антон Силуанов гуфт, мавҷи нави таҳримҳо алайҳи Русия пойдевори низоми молии ҷаҳонии долларро хароб мекунад ва ба бӯҳрон оварда мерасонад. Ин кишварҳоро водор мекунад, ки гузариш ба асъори миллиро дар тиҷорат суръат бахшанд, системаҳои пардохт ва кортҳо, системаи паёмнависии молиявии худ (монанди SWIFT) ва таъсиси оҷонси мустақили рейтингии БРИКСро муттаҳид кунанд.

Силуанов пас аз нишасти вазирони молияи кишварҳои БРИКС ва бонкҳои марказии таҳти раёсати Чин гуфт, "мавҷи нави таҳримҳо алайҳи Русия таҳкурсии низоми мавҷудаи пулию молии байналмилалиро бар пояи доллари амрикоӣ хароб мекунад."

Бонкҳои марказии БРИКС дар мавриди озмоиши панҷуми механизми ҳавзи захираҳои континентии БРИКС бо истифода аз арзҳои алтернативӣ ба мувофиқа расиданд.

Силуанов таъкид кард, "бӯҳрони кунунӣ кори дасти башар аст ва кишварҳои БРИКС тамоми абзорҳои заруриро барои коҳиш додани оқибатҳои он барои иқтисоди худ ва дар маҷмӯъ иқтисоди ҷаҳонӣ доранд."

БРИКС як иттиҳодияи ғайрирасмии байнидавлатии Бразилия, Русия, Ҳиндустон, Чин ва Африқои Ҷанубӣ барои рушд ва ҳамкорӣ мебошад. Кишварҳои БРИКС барои тарҳҳои мутақобила “Бонки нави рушд” таъсис додаанд. БРИКС 40% аҳолии ҷаҳонро ташкил медиҳад ва ҳаҷми иқтисоди кишварҳои узви БРИКС аз ММД-и кишварҳои G7 (Бритониёи Кабир, Олмон, Италия, Канада, Фаронса, Ҷопон ва ИМА) зиёдтар аст.

Вести.ру