ЧАВУШОҒЛУ: ДАР НАТО АЗ НИЗОЪ ДАР УКРАИНА МАНФИАТ МЕГИРАНД

Мавлуд Чавушоғлу, вазири умури хориҷаи Туркия гуфт, дар НАТО кишварҳое ҳастанд, ки ба идомаи низоъ дар Украина манфиатдоранд. Дар ин бора шабакаи телевизионии «Россия 24» хабар медиҳад. Сардори раёсат қайд кард, ки ҳамзамон чунин аъзои паймон аз вазъи худи Украина чандон нигарон нестанд, чизи асосӣ заиф шудани Русия аст.

Чавушоғлу ҳамчунин таъкид кард, ки ҳеҷ яке аз кишварҳои НАТО талаботи замонатҳои амниятии пешниҳодкардаи Украинаро ба мисли моддаи 5-и оинномаи паймон қабул намекунад, ки тибқи он ҳамла ба яке аз кишварҳои паймон маънои ҳамла ба ҳамаи кишварҳои НАТО дар маҷмӯъ аст. Раиси вазорати хориҷаи Туркия таъкид кард, ки Туркия ба Украина нерӯ намефиристад.

Мо набояд интизор шавем, ки Анкара ба таҳримҳои зидди Русия ҳамроҳ шавад. Туркия саъй хоҳад кард, ки хисороти бахши сайёҳӣ бар асари маҳдудиятҳои ҷорӣ алайҳи Русия, аз ҷумла тавассути афзоиши шумори чартерӣ ва парвозҳои мунтазами ширкатҳои ҳавопаймоии турк ба Русияро ҷуброн кунад.