ДАР БЕМОРХОНАИ МАРИУПОЛ ҶАСАДИ ҒАЙРИНИЗОМИЁН ЁФТ ШУД

Дар ҳудуди бемористони рақами 4-и Мариупол ҷасади 26 ғайринизомӣ пайдо шуд, ки бар асари тирандозии густурдаи миллатгароёни гурӯҳи Азов ба ҳалокат расидаанд. Дар ин бора намояндагии КХДР дар Маркази муштараки назорат ва ҳамоҳангсозии режими оташбас дар Telegram-и худ хабар додааст.

Гуфта мешавад, ки гурӯҳи коршиносони низомии Ҷумҳурии мардумии Донетск ҳамроҳ бо намояндагони Кумитаи тафтишоти Федератсияи Русия ҳангоми бозрасии қаламрави ин муассисаи тиббӣ ҷасади кушташудаҳоро пайдо кардаанд.

Рӯзи 24 феврал раисиҷумҳури Русия Владимир Путин аз оғози амалиёти вижаи низомии Русия дар Украина хабар дод ва онро ҳадафи "ҳимояи мардуми ҷумҳуриҳои Донбасс, ки ҳашт сол боз таҳти генотсиди режими Киев қарор гирифтаанд" номид.