ВАО: Ҳиндустон содироти чой ва маҳсулоти ғизоӣ ба Русияро аз сар гирифт
Ҳиндустон содироти чой, биринҷ, меваҷот, қаҳва ва маҳсулоти баҳриро ба Русия аз сар гирифт. Контейнерҳои ин колоҳои ҳиндӣ ҳафтаи гузашта ба воридкунандагони Русия фиристода шуданд, хабар медиҳад "The Economic Times".
Интиқоли ин маҳсулот аз Ҳиндустон ба Русия пас аз оғози амалиёти вижаи Русия дар Украина дар рӯзи 24 феврал ба далели мушкилоти интиқол ва ҳисоббаробаркуниҳо байни шарикони ҳинду русӣ амалан мутаваққиф шуд. Манобеъ мегӯянд, ҳоло пардохтҳои тиҷоратӣ бо рупия ва рубл сурат мегиранд ва баъзе бонкҳо ин гуна муомилотро бо евро анҷом медиҳанд.
"Ҳоло муомилоти пардохтӣ тавассути Сбербонк сурат мегирад. Бонкҳо барои азсаргирии амалиёти тиҷоратӣ бо Русия мусоидат мекунанд, ки асосан тавассути бандарҳои Гурҷистон анҷом мешаванд", - гуфтааст Аҷай Саҳай, раиси Федератсияи созмонҳои содиротии Ҳиндустон.
Ба гуфтаи Ашвин Шоҳ, раиси ширкати Шоҳ Нанҷи Нагил Экспортс, содиркунандаи пешбари биринҷ дар Русия, ба тозагӣ як миқдори бузурги биринҷи босматии ҳиндӣ ба харидорони Русия фиристода шудааст. "Пардохти интиқол тавассути "Alfa Bank" ва "Bank of Maharasthra" сурат мегирад" - гуфт Шоҳ.
ТАСС