Фаронса дар бораи омода кардани бастаи нави таҳримҳои Иттиҳодияи Аврупо алайҳи Русия сӯҳбат кард
Дар ҳоли ҳозир бастаи нави таҳримҳои зидди Русия омода мешавад, аммо он рӯзи 2 май дар ҷаласаи Шӯрои вазирони энержии кишварҳои Иттиҳодияи Аврупо баррасӣ нахоҳад шуд.
Дар ин бора Барбара Помпилӣ, вазири табдили муҳити зисти Фаронса, рӯзи 2 май қабл аз нишасти вазирони энержии Иттиҳодияи Аврупо дар Брюссел ба хабарнигорон гуфт.
«Бастаи нави таҳримҳо алайҳи Федератсияи Русия омода мешавад, аммо ин мавзӯъ мавзӯи имрӯзаи Шӯрои вазирони энержӣ нахоҳад буд. Рӯзҳои наздик ин масъала баррасӣ хоҳад шуд», - гуфт ӯ.
Дар ҳамин ҳол Помпилӣ тавзеҳ дод, ки дар ҷаласаи Шӯрои вазирони энержии кишварҳои Иттиҳодияи Аврупо танҳо масъалаи газ баррасӣ мешавад.
Тавре хабаргузории "Регнум" қаблан хабар дод, муовини вазири корҳои хориҷии Лаҳистон Павел Яблонский гуфт, мақомоти Лаҳистон ба ҷорӣ кардани таҳримҳои нави зидди Русия, пеш аз ҳама ба манобеъи энержӣ ва молия, исрор доранд.
"Регнум"
