Молдова ба маълумот дар бораи "ҳамла"-и тарҳрезишудаи Русия ба ин кишвар посух дод

Котиби матбуотии вазорати дифоъи Молдова Алла Дякону ба пайдо шудани мақолае дар "The Times" вокуниш нишон дод, ки дар он манобеъи украинӣ ҳушдор додаанд, ки кишвари Русия гӯё қасди ҳамла ба Молдоваро дорад. Дар ин бора "РИА Новости" бо истинод ба шабакаи "ТВ8" хабар медиҳад.

Ба гуфтаи намояндаи ин мақомот, аз оғози амалиёти вижаи Русия дар Украина тамоми хадамоти ин кишвар дар ҳолати омодабош фаъолият намуда, рушди ҳодисаҳоро бодиққат назорат мекунанд.

"Дар ҳоли ҳозир ҳеҷ нишонае вуҷуд надорад, ки Молдова дар хатар аст" гуфт Диакону.

Вай афзуд, шарикони байналмиллалии кишвар низ дар ин назаранд.

Пештар Майя Санду, раисиҷумҳури Молдова, гуфт, ки кишвар дар ҳолати "ҷанги иттилоотӣ" қарор дорад ва ба мубориза бо чунин "манбаъҳои маълумоти бардурӯғ", ба мисли мессенҷери "Telegram" даъват кард.

Марфа Мамаева, "Газета.ру"