Иёлоти Муттаҳида шоҳиди коҳиши эътирозот дар Русия ва ҳимояти аксарият аз амалиёти вижа аст

Сардори Идораи истихбороти миллӣ Аврил Ҳейнс гуфт, Иёлоти Муттаҳида коҳиши фаъолияти эътирозӣ дар Русия ва далели пуштибонии мардум аз амалиёти низомӣ дар Украинаро мушоҳида мекунад.

"Ман медонам, ки бисёре аз мо эътирозҳоеро, ки пас аз ишғол ва саркӯби пас аз он дар Русия сар зада буданд, дидаем, аз ҷумла қабули қонунҳое, ки дар сурати эътирозҳо муҷозоти хеле ҷиддӣ пешбинӣ мекунанд. Мо дидем, ки онҳо воқеан коҳиш ёфтаанд", гуфт вай дар маҷлиси Конгресс.

Ҳейнс ҳамчунин аз назарсанҷиҳо ёдовар шуд, ки ба гуфтаи вай, нишон медиҳад, ки "аксарияти русҳо аз амалиёти вижаи низомӣ пуштибонӣ мекунанд". Вай иддао дорад, ки яке аз сабабҳои ин "интихоби иттилооте буд, ки ба аҳолӣ мерасад".

Русия рӯзи 24 феврал амалиёти низомӣ дар Украинаро оғоз кард. Раисиҷумҳури Русия Владимир Путин ҳадафи онро "ҳимояи одамоне номид, ки дар тӯли ҳашт сол таҳти таъқиб ва наслкушӣ аз ҷониби режими Киев қарор гирифтаанд".

РИА Новости