Дар Бразилия маросими видоъ бо Пеле ба поён расид
Дар варзишгоҳи «Вила Белмиру»-и шаҳри Сантуси Бразилия рӯзи 3 январ маросими видоъ бо қаҳрамони секаратаи ҷаҳон оид ба футбол Пеле ба поён расид.
Пас аз маросими видоъ, ки як рӯз идома кард, тобут бо ҷасади футболбозро зери кафкӯбӣ ба болои боми мошини оташнишонӣ бардошта, сипас бо парчами Бразилия пӯшониданд. Шӯрои маросими дафн аз кӯчаҳои шаҳри Сантос, аз ҷумла аз назди хонае, ки модари садсолаи Пеле то ҳол зиндагӣ мекунад, мегузарад. Баъд аз ин, футболбози барҷаста дар ҳудуди қабристони Екуменика, ки ӯ интихоб кардааст, дафн карда шуд.
Созмондиҳандагони ин маросим иддаъо доранд, ки дар як рӯз беш аз 230 ҳазор нафар бо Пеле видоъ кардаанд. Дарозии навбати касоне, ки барои гиромидошти хотираи футболбоз омада буданд, аз ду километр гузашт.
Ёдовар мешавем, ки футболбози афсонавӣ Эдсон Арантис до Насименту, маъруф ба Пеле, 29 декабри соли 2022 дар Сан-Паулу дар синни 82-солагӣ даргузашт. Сабаби марг нокомии узвҳои сершумор бар асари саратон буд. Дар Бразилия се рӯз мотам эълон шудааст.
Манбаъ: regnum.ru