Президенти нави Ҷумҳурии Чех дар даври дуюми интихобот муайян хоҳад шуд

Дар Ҷумҳурии Чех даври аввали интихоботи президентӣ ба охир расид. Баъди ҳисоб кардани маълумот дар 99,95% қитъаҳои интихоботӣ Петр Павел 35,4% овозҳоро ба даст оварда, ҷои аввалро ишғол кард. Андрей Бабиш, сарвазири собиқ ва миллиардер, рақибашро бо пирӯзӣ дар даври аввал табрик гуфт.

Андрей Бабиш дар даври аввал пас аз ҳисоб кардани маълумот 35% ба даст оварда, ҷои дуюмро гирифт. Ҳардуи онҳо ба даври дуввум, ки рӯзҳои 27-28 январ баргузор мешавад ва раисиҷумҳури нави Ҷумҳурии Чехро муайян мекунад, роҳ ёфтанд, хабар медиҳад РИА Новости.

Бабиш гуфт: "Ман Петр Павел, номзади ҷонибдори ҳукуматро бо пирӯзӣ дар даври аввали интихоботи президентӣ табрик мекунам."

Собиқ нахуствазир бар ин бовар аст, ки дар даври дуввум Павел аз сӯи Дануша Нерудева, ки дар ҷойи саввум қарор гирифт ва аз сӯи як қатор номзадҳои дигари президентӣ аз ӯ пуштибонӣ хоҳанд кард.

Бабиш муътақид аст, ки дар даври дуввум рӯзноманигорон метавонанд алайҳи ӯ иғвоҳои мухталиф эҷод кунанд.

Вести.ру