ПУТИН ВА ШОҲЗОДАИ АРАБИСТОНИ САУДӢ МАСЪАЛАИ СОЗМОНИ ОЯНДАИ КИШВАРҲОИ СОДИРКУНАНДАИ НАФТ ПЛЮСРО БАРРАСӢ КАРДАНД
Раисҷумҳури Русия Владимир Путин ва валиаҳди Арабистони Саудӣ Муҳаммад бин Салмон зимни сӯҳбати телефонӣ "ба кори муштарак дар формати Созмони кишварҳои содиркунандаи "Нафт плюс" баҳои мусбӣ доданд", хабар медиҳад хадамоти матбуоти сарвари давлати Русия.
«Ба кори муштарак дар формати Созмони кишварҳои содиркунандаи нафт ба хотири таъмини суботи бозори ҷаҳонии нафт баҳои мусбӣ дода шуд», - гуфтанд дар хадамоти матбуот. Суҳбат «бо ташаббуси ҷониби Саудӣ» сурат гирифтааст.
Илова бар ин, раҳбарони ду кишвар ҳамкориҳои тиҷоративу иқтисодиро баррасӣ намуда, "майли тарафайн барои рушди минбаъдаи равобити мутақобилан судманди Русия ва Арабистони Саудӣ изҳори назар карда шуд".
Арабистони Саудӣ ва Имороти Муттаҳидаи Араб аз тариқи иттиҳоди кишварҳои Созмони кишварҳои содиркунандаи "Нафт Плюс", ки аз се ду ҳиссаи захираҳои нафти ҷаҳонро дар ихтиёр доранд, шарикони аслии Русия дар бозори нафт мебошанд.
1 марти соли 2022 чунин гуфтушунидҳо миёни Президенти Федератсияи Русия ва валиаҳди Абу-Даби, муовини Сарфармондеҳи олии Қувваҳои Мусаллаҳи Имороти Муттаҳидаи Араб Муҳаммад бин Зоид Оли Наҳаён сурат гирифт. Дар пасманзари ин сӯҳбат нархи нафт 5% боло рафт.
Нашрияи амрикоии "The Wall Street Journal" қаблан хабар дода буд, ки маъмурияти президенти ИМА дар он вақт кӯшиши ташкили гуфтугӯҳои телефонии Ҷо Байден бо раҳбарони Арабистони Саудӣ ва Имороти Муттаҳидаи Арабро анҷом дод.
Иёлоти Муттаҳида талош кард, иттиҳоди истихроҷи нафти кишварҳои Созмони кишварҳои содиркунандаи "Нафт Плюс"-ро, ки соли 2016 бо ширкати Русия ва бузургтарин кишварҳои тавлидкунандаи нафт таъсис шуда буд, тақсим кунад.
Мақомоти Ховари Миёна гуфтанд, ки Вошингтон пешниҳод кардааст, ки Маскавро дар инзиво нигоҳ дорад ва интиқоли мол ба бозорро афзоиш диҳад, то қимати нафт поин равад. "Валиаҳди Саудӣ Муҳаммад бин Салмон ва Шайх Муҳаммад бин Зоид ал Наҳаён аз Имороти Муттаҳидаи Араб дархостҳои ИМА дар бораи мулоқот бо Байденро дар ҳафтаҳои охир рад карданд"...
"vesti.ru"
