Вазорати корҳои хориҷии Русия: ИМА шаҳрвандони худро ба маъракаи зидди Русия ҷалб мекунад

Мақомоти ИМА дар робита ба авзоъ дар Украина ба корҳои дохилии Русия дахолат мекунанд ва аз ҷумла интернетро барои ин кор истифода мебарад. Дар ин бора Мария Захарова, намояндаи расмии Вазорати корҳои хориҷии Русия рӯзи 28 апрел дар брифинг дар Маскав изҳор дошт.

Ба гуфтаи вай, таваҷҷуҳи вазорати хориҷиро нашрияи рӯзи 21 апрел дар вебсайти департаменти давлатии ИМА бахшида ба амалиёти махсуси низомии Русия дар Украина ҷалб кардааст. Ин мавод аз шаҳрвандони Амрико даъват мекунад, ки ба маъракаи таблиғотии зидди Русия ҳамроҳ шаванд ва барои ин аз абзорҳои фанновариҳои иттилоотиву иртибототӣ истифода кунанд.

"Асосан... ин истифодаи воситаҳои иртиботи шахсӣ ва мардуми оддии Амрико барои паҳн кардани таблиғоти дурӯғ ва қалбакӣ аст", - шарҳ дод Захарова.

Вай таъкид кард, ки Маскав амалҳои мақомоти Амрикоро, ки ба дахолати мустақим ба ҳаёти хусусии шаҳрвандони Русия нигаронида шудааст, шадидан маҳкум мекунад. Ғайр аз ин сухан дар бораи дахолат кардан ба ҳаёти шахсии амрикоиён меравад.

Regnum