11:09:06 26-уми Сентябри 2020 сол
"РӮЗГОР" - "RUZGOR"
1,477 аъзо
Ҳамроҳ шудан ба гурӯҳ
Ба гуруҳи мо "РӮЗГОР" ва "Ruzgor CINEMA" дар фейсбук обуна шавед! Бо мо будан боз ҳам дурахшон сохтани рӯзгори хеш мебошад. Мо бо маводҳои...
Ahmad Zahir - banner 2015
 
 collage-You-ube-Ruzgor

Qissahoi hijrat - 2015
 
1.banner grunger 2019

Тақвим

<< < Декабр 2012 > >>
Дш Сш Чш Пш Ҷм Шб Яш
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29
31            

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

ҲАЖДАҲ КУШТА ДАР ҲАВОДИСИ НОХУШ ДАР ДУ РӮЗ

Пулиси Тоҷикистон мегӯяд дар ду рӯзи гузашта дар ҳаводиси нохуш 18 шаҳрванди ин кишвар ҷони худро аз даст додаанд.

Тибқи иттилоъи манобеъи пулис, дар рӯзиҳои шанбе ва якшанбеи гузашта мавориди зиёди фавти шаҳрвандон дар рӯдхонаҳо ва ҳавзҳои ин кишвар мушоҳида шудааст. Гуфта мешавад, ки дар ин муддат нӯҳ нафар ғарқ шудаанд, ки ҳафт тан аз онҳо афроди ноболиғ будаанд. Аз ҷумла, рӯзи якшанбеи 26 июл Абдуқаҳҳор Муродов, як сокини ноҳияи Бобоҷон Ғафурови вилояти Суғд, ҳамроҳи се пайванди ноболиғаш озими шолизор шудааст. 

Ин кӯдакони се-чаҳорсола бо истифода аз ин фурсат, ки оқои Муродов машғули кор буд, ба шиноварӣ рафта ва ғарқ шудаанд. Зимнан, аз баҳори соли ҷорӣ то кунун аз мавориди зиёди ғарқ шудани шаҳрвандон дар рӯдхонаҳо ва обанборҳо гузориш шудааст. Бисёре аз ин маворид дар қаламрави вилояти Суғд рух додааст.

Дар авоили моҳи ҷорӣ Кумитаи умури изтирории Тоҷикистон зимни нигаронӣ аз афзоиши теъдоди нафароне, ки дар истахру рӯдхонаҳо ғарқ мешаванд, аз сокинони кишвар даъват карда буд, ки ба ҳангоми тафреҳ дар соҳили рӯдхонаҳо ва ҳавзҳо мувозиби худ бошанд.

Ин дар ҳолест ки тайи чанд рӯзи ахир дамои ҳаво дар бисёре аз манотиқи Тоҷикистон беш аз 40 дараҷа боло рафтааст. Дар натиҷа, мардум ба шиноварӣ дар рӯдхонаҳо ва ҳавзҳо бештар алоқа пайдо кардаанд.

Афзоиши дамои ҳаво ҳамчунин хатароти вуқӯъи оташсӯзиро афзоиш додааст. Идораи оташнишонии Тоҷикистон низ аз афзоиши мавориди оташсӯзӣ дар бархе манотиқи кишвар хабар медиҳад.

Дар ду рӯзи гузашта дар вилояти Суғд аз мавориди зиёди худкушӣ низ гузориш шудааст. Манобеъи пулис мегӯянд, ки дар рӯзҳои шанбе ва якшанбе се тан аз сокинони ин минтақа даст ба худкушӣ задаанд.

Зимнан, афзоиши худкушӣ дар шимоли Тоҷикистон ахиран ба мавзӯъи доғе дар ҷомеъа табдил шуда ва пештар аҳзоби сиёсии устони Суғд бо пахши изҳороти муштараке хостори иҷрои тадобире барои ҷилавгирӣ аз худкушӣ шуда буданд.

Бар асоси омори расмӣ, дар шаш моҳи аввали соли ҷорӣ мавориди даст ба худкушӣ задани сокинон дар ин вилоят дар муқоъиса бо ҳамин давраи соли гузашта то 60 дарсад афзоиш ёфтааст. 

Дар рӯзҳои таътили гузашта ҳамчунин аз мавориди гуногуни фавти шаҳрвандон дар асари тамос бо симҳои барқ мушоҳида шудааст. Гуфта мешавад, ки дар ин муддат се нафар аз нерӯи барқ ҷони худро аз даст додаанд. Муродалӣ Набиев, як сокини шаҳри Норак, дар ҷустуҷӯйи кор дар Душанбе ба сар мебурд. Вай дар ҷараёни корҳои сохтмонӣ дар як манзили хусусӣ дар асари истифодаи нодуруст аз симҳои барқ ҷони худро аз даст додааст.

Ҳамчунин, дар рӯзҳои таътили гузашта дар савонеҳи роҳ се сокини Тоҷикистон ҷони худро аз даст додаанд. Аммо масъулони пулиси роҳ мегӯянд, ки ин рақам дар муқоиса бо рӯзҳои дигар камтар будааст.

Ахиран мақомоти пулиси роҳ хабар дода буданд, ки дар шаш моҳи соли ҷорӣ нисбат ба давраи мушобеҳи соли гузашта коҳиши андаке дар шумори осебдидагон дар сонеҳаҳои роҳ мушоҳида шудааст.

Би-Би-Си



Назари Шумо

Security code
навсозӣ

sultoni-qalbho
askshoi-khotiravi