Китоби Эмомалӣ Раҳмон то Димишқ расид
Бино ба гузориши хабаргузории давлатии "Ховар" ду нусха аз тарҷумаи арабии китоби Эмомалӣ Раҳмон "Тоҷикон дар оинаи таърих" дар 4 ҷилд тавассути Сафорати Ҷумҳурии Арабии Сурия ба Китобхонаи миллии ал-Асад дар шаҳри Димишқ тақдим шуд.
Манбаъ ҳамчунин хабар дода, ки дар посух ба ин тӯҳфаҳо Вазири фарҳанги Сурия доктор Либона Мушаввиҳ гуфтааст, шоҳасари Сарвари давлати Тоҷикистон ва таҳкими робитаҳои фарҳангӣ барои шиносоии бештар бо таъриху фарҳанги тоҷикон ҳамчун миллати куҳанбунёду тамаддунсоз мусоидат хоҳад кард.
"Рӯзгор"
