Ёде аз Мирзоқурбон Солиев -мутриби Шашмақом
Ҳафтаи гузашта дар толори Хонаи радиои кишвар ба ифтихори бузургдошти Мирзоқурбон Солиев, яке аз мутрибони чирадасти Шашмақом барномаи ҳунарие баргузор гардид. Фурқат Саидов, раҳбари дастаи ҳунарии "Шашмақом"-и Кумитаи Радио ва телевизиони Тоҷикистон дар оғози ин маҳфил ба алоқамандони мусиқӣ дар бораи зиндагиномаи ин навозандае, ки аз таваҷҷуҳи муаллифони асари сеҷилдаи "Энсиклопедияи адабиёт ва манъати тоҷик" ва "Донишнома"-и Шашмақом канор мондааст, маълумоти муфиде ироа кард.
Ба гуфтаи раҳбари бадеии шашмақомхонҳои Тоҷикистон Мирзоқурбон Солиев аз ҷумлаи беҳтарин дуторнавозон ва гижжакнавозони Шашмақом ба шумор меравад. Ӯ нахустин маротиба дар таърихи мусиқии Шашмақом сози аврупоии скрипка (ғижжак) ё худ виолунро дар навохтани оҳангҳои классикӣ расман истифода кардааст. Тавассути ӯ шашмақомхонӣ дар зодгоҳаш ноҳияи Исфара, ки баъди бознишаста шудан онҷо кору зиндагӣ мекард ва нозукиҳои ҳунари хешро ба ҷавонон меомӯхт, рушду тавсиаи бештаре пайдо кард. Мирзоқурбон Солиев соли 1996 дар синни 84-солагӣ аз олам даргузаштааст.
"Рӯзгор"
Бознашр аз ҳафтаномаи «Рӯзгор» №09, 05 марти соли 2014