Эъломи баргузории ҳамоише бо суханронии Кабирӣ дар бораи ҷойгоҳи ҳазрати Муҳаммад (с)

Муҳиддин Кабирӣ, раиси ҳизби наҳзати исломии Тоҷикистон ва вакили Маҷлиси намояндагон дар ҳамоиши "Рисолати Муҳаммад (с) ва ҷаҳони муосир" суханронӣ хоҳад кард.

Маҳмудҷон Файзраҳмонов, сухангӯи Ҳизби наҳзати исломии Тоҷикистон имрӯз хабар дод, фардо, 17 январи 2015, соати 10- рӯз Муҳиддин Кабирӣ, раиси ин ҳизб дар дафтари Марказии ҲНИТ дар ҳамоиши "Рисолати Муҳаммад (с) ва ҷаҳони муосир" ширкат ва суханронӣ хоҳад намуд.

Ба гуфтаи оқои Файзраҳмонов, Муҳиддин Кабирӣ дар ин ҳамоиш оид ба мавзӯи "Шинохти воқеии Паёмбари Ислом (с) ва ҳалли мушкилоти ҷаҳони Ислом" сӯҳбат мекунад.

Сухангӯи ҲНИТ  мегӯяд, сӯҳбати Кабирӣ ва дигар ширкаткунандаҳо дар ин ҳамоиш аз тариқи барномаи "Зелло", барои хоҳишмандон дар хориҷи кишвар низ пахш хоҳад шуд.

Ба гуфтаи вай, дар ин ҳамоиш донишмандони ҷавон Абдуллоҳ Оқилзода, Яҳё Абдусаттор ва дигарон паҳлӯҳои мухталифи ҳаёти Паёмбари Ислом (с) -ро низ мавриди таҳлил қарор медиҳанд.

Маҳмудҷон Файзраҳмонов аз хоҳишмандон дархост кардааст, дар ин ҳамоиш, ки ширкат дар он озод аст, ҳузур дошта бошанд.

http://tajik.irib.ir