Обама ҳамдигарфаҳмӣ миёни ИМА ва Русияро оид ба Сурия пазироӣ кард

Президенти ИМА Барак Обама дар суҳбати телефонӣ бо президенти Федератсияи Русия Владимир Путин мувофиқаи бадастомадаи кишварҳоро оид ба шарту шароити оташбас дар Сурия миёни неруҳои ҳукуматӣ ва мухолифини мусаллаҳ хуш пазируфт.

«Президент Обама созиши бадастомада миёни ИМА, Русия ва дигар шарикони байналмилалии гурӯҳи мададрасони Сурияро оид ба шарту шароит ва раванди оташбас хуш пазируфт,-омадааст дар иттилоияи Кохи сафед.

«Президент Обама таъкид намуд, ки ҳоло авлавият дар он аст, ки аз ҳукумати Сурия ва мухолифини мусаллаҳҷавоби мусбат ба даст ояд ва ин раванди сиёсии таҳти васояти СММ ҷараёнгиранда аз ҳарду ҷониб баробар риоя шавад. Инчунин ба мубориза бо ДИ равона гардад»,-омадааст дар ҳуҷҷати мазкур.