ДАРГУЗАШТИ ҲОФИЗИИ ХАЛҚИИ ТОҶИКИСТОН

Давлатҷони Муқим, ҳофизи мардумии Тоҷикистон дар синни 62 солагӣ баъди бемрии тӯлонӣ дар шаҳри Душанбе аз олам даргузашт. Ӯ фаъолияти ҳунарии худро аз театри халқии Қурғонтеппа оғоз карда буд ва муддати чанд соли охир дар Бишкек, пойтахти Қирғизистон ба сар мебурд.

Давлатҷони Муқим аввал ба ҳайси ҳунарманди хонаи маданият, сипас дар дар театри халқӣ ва баъдан дар театри мусиқӣ ва мазҳакавии шаҳру вилояти Қурғонтеппа фаъолият кардааст. Сурудаҳои "Губори дил", "Модар", "Муҳайяр", "Муноҷот", "Завқи дил", "Тамошо кун" аз ҷумлаи машҳуртарин офаридаҳои ҳунарии  Давлаҷони Муқим мебошанд, ки то кунун аз сӯи ҳунармандон ва мардум замзама мешаванд. Маросими ҷанозаи Давлатҷони Муқим дар шаҳри Душанбе пойтахти Тоҷикистон баргузор мешавад.