СОМОНАИ ВКД-И ТОҶИКИСТОН ФАЪОЛ ШУД

Тибқи иттилои дафтари матбуотии Вазорати корҳои дохилии ҶТ шурӯъ аз дирӯз дар шабакаи ҷаҳонии интернет сомонаи расмии ин вазорат www.mvd.tj ба фаъолият оғоз кард.

Дар ҳоли ҳозир сайт танҳо бо забони тоҷикӣ маводҳои худро мунташир месозад. Дар назар аст, ки дар ояндаи наздик он ба забони русӣ низ мавод нашр намояд. Муштариён дар айни замон аз ин сомона дар бораи сохтори ВКД, раҳбарияти он, қонун ва ҷомеъа, ахбори ҷиноӣ маълумот ба даст оварда метавонанд. Сайт дар ҳоли такмилкунӣ қарор дорад. Мувофиқи маълумоти сомонаи www.topTJ.com феълан дар шабакаи байналмилалии интернетӣ 666 сайт аз Тоҷикистон ба қайд гирифта шудааст, ки аз ин миқдор 77 тоаш сомонаи иттилоотӣ ба ҳисоб мераванд.

«Рӯзгор»