ҚАТЛИ БАРОДАРЗАН ДАР ПАЙИ МУНОҚИШАИ ХОНАВОДАГӢ ДАР ИСТАРАВШАН
Дар шаҳри Истаравшани устони Суғд маъмурони интизомӣ Хушбахт Саломов, як сокини 30-солаи маҳаллиро, ки гуфта мешавад, дар пайи муноқишаи хонаводагӣ бародарзани худ, Хайрулло Ҷумъаеви 45 соларо, ба қатл расонидааст, боздошт кардаанд.
Тибқи иттилоъи пулиси Суғд, оқои Саломов аз ҷойи ҳодиса фирор карда, вале баъдан аз сӯйи маъмурони интизомӣ боздошт шудааст. Тибқи иттилоъи дафтари матбуъотии идораи пулиси вилояти Суғд, додситони шаҳри Истаравшан дар ин замина парвандаи ҷиноӣ боз кардааст.
Ин манбаъ ҳамчунин гузориш медиҳад, ки дар давоми як соли гузашта дар қаламрави ин устон 41 мавриди қатл сабт шуда ва бештаре аз муттаҳамони ин ҳаводис боздошт ва муҷозот шудаанд.
Би-Би-Си
