АННОН ДАР "ҶУСТУҶӮЙ"-И СУЛҲИ СУРИЯ ДАР МАСКАВ ВА ПЕКИН

Намояндаи вижаи СММ ва ИА дар умури Сурия, барои гуфтугӯ бо мақомоти баландпояи Русия ва Чин, ба ин ду кишвар меравад.

Қарор аст Куфӣ Аннон имрӯз шанбе бо Дмитрий Медведев раиси ҷумҳур ва Сергей Лавров вазири умури хориҷии Русия дар бораи бӯҳрони Сурия дидор ва гуфтугӯ кунанд. Ҳафтаи гузашта Русия ва Чин ба таври расмӣ аз тарҳи сулҳи Куфӣ Аннон барои поёни бӯҳрони Сурия ҳимоят карданд.

Гузоришҳои дигар аз он ҳикоят мекунанд, ки Созмони Миллали Муттаҳид тарҳи кӯмакҳои 84 миллион долларӣ ба оворагони суриягӣ дар Лубнон, Урдун, Ироқ ва Туркияро ироа додааст. Русия ва Чин, ду узви доими Шӯрои Амнияти СММ то кунун монеи судури ду қатъномаи мавриди ҳимояти Ғарб дар маҳкумияти саркӯбии эътирозҳо дар Сурия шудаанд.

«Озодӣ»