ИФШОИ “СӮҲБАТИ ДӮСТОНА”-И ОБАМА ВА МЕДВЕДЕВ
Барак Обама ва Дмитрий Медведев бехабар он ки микрофон рӯшан аст, бо ҳам "сӯҳбати дӯстона" карданд. Микрофонҳои телевизионӣ бахше аз сӯҳбатҳоеро сабт кардаанд, ки миёни раҳбарони Иёлоти Муттаҳида ва Русия сурат гирифтааст.
Дар ин видео Обама ба Медведев гуфтааст, ӯ дар баъзе аз масоили ҷиддӣ, мисли тарҳи бунёди дастгоҳи дифои мушакӣ дар Аврупо баъд аз интихоботи раёсати ҷумҳури моҳи ноябр дар Амрико нармиш нишон хоҳад дод.
Медведев низ дар навабти худ гуфтааст, ки ин пайғомро ҳатман ба Владимир хоҳад расонд. Манзури ӯ ҳамон Владимир Путин, раисиҷумҳури тозаинтихоби Русия аст, ки бори севум ба ин курсӣ такя мезанад.
Ду раҳбар аз равшан будани камера бехабар буданд ва аслан намехостанд ин гуфтугӯҳояшон, ки дар ҳошияи нишасти Сеул дар Кореяи Ҷанубӣ сурат гирифт, ба расонаҳо бирасад. Маскав муддатҳо боз мухолифи сохтмони дастгоҳи дифои мушакии Амрико дар Аврупо аст.
«Озодӣ»
