НИШАСТЕ БА ХОТИРИ СОЗИШНОМАИ СУЛҲИ ТОҶИКОН ДАР МАСКАВ
Имрӯз дар меҳмонхонаи "Президент- отел"-и шаҳри Маскав мизи гирд бахшида ба 15 - солагии имзои Созишномаи сулҳ ва ризоияти миллӣ дар Тоҷикистон баргузор мегардад.
Ин нишаст бо ташаббуси Маркази фарҳангии "НУР" ва Институти шарқшиносии Русия даъват шудааст. Дар назар аст, ки ғайр аз меҳмонон аз Тоҷикистон ва намояндагони созмонҳои тоҷикони муқими Русия, инчунин намояндагони сафоратҳои «Гурӯҳи Тамос», коршиносону донишмандон ва хабарнигорон ширкат хоҳанд кард.
Дар назар аст, ки Муҳиддин Кабирӣ, раҳбари Наҳзати Исломии Тоҷикистон дар ин нишаст ширкат ва суханронӣ хоҳад кард.
Қарор аст, нишаст соати 17-00 ба вақти Маскав баргузор гардад.
