САФАРИ ҒАЙРИМУНТАЗИРАИ ЛЕОН ПАНЕТТА БА АФҒОНИСТОН

Вазири дифои ҷадиди ИМА Леон Пенетто дар як сафари аз қабл эълом нашуда, рӯзи шанбе ворид Кобул шудааст. Леон Панетта даҳ рӯз пеш ба ҳайси вазири дифои Амрико таъйин ва ҷойгузини Робет Гетс шуд. Ин нахустин сафари вай ба унвони вазири дифои Амрико ба Афғонистон аст.

Тибқи гузоришҳо қарор аст ҷаноби Панетта бо мақомҳои баландпояи афғон ба шумули раиси ҷумҳури ин кишвар Ҳомид Карзай дар бораи супурдани масъулиятҳои амниятии Афғонистон ба нерӯҳои афғон гуфтугӯ кунад. Қарор аст раванди интиқоли масъулиятҳо ба нерӯҳои афғон дар миёнаҳои моҳи ҷорӣ оғоз шавад.

Хабаргузории RDP-и Олмон гузориш медиҳад, ки дар ин сафари аз қабл эъломнашуда, Леон Панетта бо генерла Девид Петреус, фармондеҳи нерӯҳои амрикоӣ ва НАТО дар Афғонистон мулоқот кард. Девид Петреус ба зуди мақоми қаблии Леон Панеттаро ишғол карда ва раиси CIA ё идораи истихбороти марказии Амрико хоҳад шуд.

Оқои Панетта пеш аз сафараш ба Афғонистон ба хабарнигорон гуфт, пас аз марги Усома бин Лодин мавқеияти шуморе аз раҳбарони Ал-Қоида шиносоӣ шудааст. Вай афзуд: «Ҳудуди даҳ то бист раҳбари Ал-Қоида дар Покистон, Яман, Сомалӣ ва Африқои шимолӣ ҳузур доранд. Агар мо онҳоро таъқиб кунем, аз лиҳози стратегӣ метавонем Ал-Қоидаро шикаст диҳем. Мо нерӯи онҳоро коҳиш додааем ва онҳо акнун наметавонанд ҳамалотеро чун ёздаҳуми сентябри соли 2001-ро анҷом диҳанд. Онҳо дар ҳолати фирор қарор доранд.»

Леон Панетта афзуд, пас аз марги Усома бин Лодин акнун замони он фаро расидааст то бар Ал-Қоида фишор биёварем. Вазири дифои Амрико ҳамчунон гуфт, бовар дорад, ки агар фишорҳо болои Ал-Қоида бештар шаванд ва идома ёбанд, Ал-Қоида аз ҳам хоҳад пошид.

Леон  Панетта, ки ду сол пеш раиси идораи истихбороти марказии Амрико буд, марги Усома бин Лодинро оғози муҳиме барои шикаст додани Ал-Қоида хонд. Ӯ аз Покистон хост то дар мубориза алайҳи шабакаи Ал-Қоида кӯмак кунад.

Панетто ба хабарнигорон гуфт, Амрико ба таври хос аз Покистон мехоҳад ба зидди раҳбари ҷадиди Ал-Қоида Айман Аз-Завоҳирӣ, ки ғолибан дар манотиқи қаболии Покистон пинҳон аст, иқдом кунад.