01:50:49 25-уми Июли 2024 сол
banner site ruzgor 21 22
 
photo 2023-01-03 15-28-16
 
 banner ahmad zahir booke
 
Ahmad Zahir - banner 2015
 
 banner you tube ruzgor2021

Qissahoi hijrat - 2015
 
 

Тақвим

<< < Июл 2024 > >>
Дш Сш Чш Пш Ҷм Шб Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Ёди рӯзгори ширин

Ришод Зоҳир: “Аз консерт бо табъи болида мебароед!”

Имрӯз Ришод Зоҳир ва Ёсин Зоҳир, писару набераи хунёгари шарқ Аҳмад Зоҳир меҳмони мо шуданд ва перомуни хотироти дошта ва марги Аҳмад Зоҳир, дидорашон аз Тоҷикистон ва барномаи консертии “Аз сафар хуш омадӣ” ҳарф заданд.

pisari_ahmad_zahir_14062024Ришод Зоҳир аз тассуроташ дар бораи нахустин сафараш ба Душанбе ҳарф зада, гуфт, ки “то кунун миллате ба мисли тоҷикон меҳмоннавозро надида будам”.

“Мо 4 рӯз мешавад, ки вориди Душанбе шудаем ва то кунун дар меҳмоннавозии ҳамзабонону ҳаммилатони худ будем. Бо бисёр овозхонҳои тоҷик вохӯриву шабнишинӣ доштем. Сурудҳои падарамро дар наздам месароиданд. Ман бисёр роҳат кардам, бисёр шодам”, - гуфт Ришод Зоҳир.

Ӯ дар бораи муҳаббат ба Аҳмад Зоҳир дар Тоҷикистон таъкид карда ва кӯтоҳ перомуни марги падараш гуфт, ки “Аҳмад Зоҳирро куштанд”. Дигар дар ин бора ҳарф назад, вале афзуд, ки талош дорад шаби ёдбуди падарашро хотирмон гузаронад.

Ришод Зоҳир гуфт, ки чанд рӯз боз ҳамвора ба консерти ёдбудии “Аз сафар хуш омадӣ” омодагӣ мебинанд ва вақти каме дар пешорӯ доранд ва илова кард, “ба ҳама меҳмонҳои ин барнома ваъда медиҳам, ки аз консерт бо табъи болида мебароянд”.

Бояд гуфт, ки Ришод Зоҳир бо писараш Ёсин Зоҳир рӯзи 9-уми июн вориди Душанбе шуданд ва ду ҳафта дар пойтахти Тоҷикистон мемонанд.

Рӯзи 11-уми июн Ришод Зоҳир ва писараш Ёсин Зоҳир бо рӯзноманигорони тоҷик вохӯрда ва нишасти матбуотӣ баргузор намуд.

Онҳо шоми 14-уми июн бахшида ба рӯзи мелод ва марги Аҳмад Зоҳир дар Кохи Суруш таҳти унвони “Аз сафар хуш омадӣ!" шаби ёдбуд баргузор мекунанд.

Интизор меравад, ки дар ин шоми ёдбуд чанде аз сарояндаҳои номдори кишвар, ки дар пайравӣ аз Аҳмад Зоҳир сурудхонӣ намудаанд, иштирок хоҳанд кард.

Гуфтан ба маврид аст, ки Ришод Зоҳир ҳам овозхон аст ва дар аввал таронаҳои падарашро бозхонӣ мекард. Соли 1987 дар 17-солагӣ нахустин албоми худро таҳти унвони “Гули интизор” нашр кард ва то кунун даҳҳо консерт баргузор кардааст.

Ёдовар мешавем, ки Аҳмад Зоҳир 14-уми июни соли 1946 дар оилаи ходими давлатии Афғонистон Абдузоҳир ба дунё омада ва дар овони ҷавонӣ бо оҳангҳои қолабшикан шӯҳрати зиёдро ба даст овард ва дар авҷи маъруфияташ рӯзи 14-уми июни соли 1979 дар 33-солагӣ ба қатл расонида шуд.

Меҳрофарин Наҷибӣ, Asia-Plus



Назари Шумо

Security code
навсозӣ

Дуои борон

sultoni-qalbho
askshoi-khotiravi