Баррасии таҳкими ҳамкориҳои бунёди марказҳои ташхису табобат дар Хатлон

Дафтари матбуотии Вазорати тандурустӣ ва ҳифзи иҷтимоии Тоҷикистон мегӯяд дар Хатлон мақомоти ин вилоят бо ширкати чинии “Neusoft Medical Corporation” таҳкими ҳамкориҳои дуҷонибаро мавриди баҳсу баррасӣ қарор додаанд. Бино ба гузориши манбаъ мулоқоти раиси вилоят Қурбон Ҳакимзода бо намояндаи Ширкати “Neusoft Medical Corporation”- и Ҷумҳурии халқии Чин Дан Зан ва ҳамроҳонаш дар толори мақомоти иҷроияи ҳокимияти давлатии вилояти Хатлон доир шудааст.

Ҷонибҳои зикр кардаанд, ки дар доираи ёддошти тафоҳуме, ки байни мақомоти иҷроияи ҳокимияти давлатии вилояти Хатлон ва Ширкати “Neusoft Medical Corporation”- и Ҷумҳурии халқии Чин амал менамояд, дар шаҳру ноҳияҳои Бохтар, Кӯлоб, Норак, Восеъ, Фархор, Шаҳритуз ва Ҷалолиддини Балхӣ марказҳои ташхису табобат мавриди истифода қарор гирифтанд ва онҳо бо муосиртарин дастгоҳҳо муҷҷаҳаз гардонида шуданд.

Намояндаи Ширкати “Neusoft Medical Corporation”- и Ҷумҳурии Мардумии Чин Дан Зан барои ҳамкориҳои мутақобилан судманд ва дастгирии ҳамешагӣ ба раиси вилояти Хатлон изҳори сипос намуда, иброз доштааст, ки ки онҳо омодаанд ин марказҳоро дар шаҳру ноҳияҳои вилоят бунёд намуда, барои таъмин намудани марказҳои ташхисию табобатӣ мутахассисони маҳаллиро омода намоянд.

«Рӯзгор»