«ПАҲНОИ ХИРАД» ВА ЭҲСОСИ ВАТАНДОРӢ

Ташкилоти ҷамъиятии «Паҳнои хирад» аз рӯи лоиҳаи «Ватанам ифтихори ман аст» оид ба тақвияти эҳсоси ватандориву ватандӯстӣ ва маърифати ҳуқуқии ҷавонон дар ноҳияи Ҳисор сӯҳбат гузаронид. Дар маҳфил ҳайати кории ТҶ «Паҳнои хирад», адибон Аҳлиддини Ҳисорӣ, Назокати Олим, Маликаи Аваз, мутахасиси соҳаи ҷамъиятшиносӣ Ҳалими Сайёҳ ва дигарон иштирок карданд.

Адибон дар назди ҷавонзанону духтарони фаъол, намояндагони шӯъбаҳои ҷавонон, кумитаи занҳо ва дигар ташкилотҳои ноҳия доир ба мавзӯъҳои «Ифтихори ватандорӣ ва ватандӯстии ҷавонон», «Худшиносии миллӣ ва ҷаҳони нав», «Истиқлолият нерӯбахши ҳиссиёти ватандӯстии ҷавонон» ва дигар мавзӯъҳо сӯҳбати хубе карданд. Баромадҳо бештар ба шакли саволу ҷавоб сурат гирифт. Шоирон ҳамзамон бо сӯҳбатҳои хотиршин бахшида ба ваҳдат, сулҳу дӯстӣ, ватану ватандӯстӣ, истиқлолият ва ишқу ҷавонӣ шеърҳо хонданд.