03:46:58 29-уми Марти 2024 сол
banner site ruzgor 21 22
 
photo 2023-01-03 15-28-16
 
 banner ahmad zahir booke
 
Ahmad Zahir - banner 2015
 
 banner you tube ruzgor2021

Qissahoi hijrat - 2015
 
 

Тақвим

<< < Март 2024 > >>
Дш Сш Чш Пш Ҷм Шб Яш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ТАЛОШҲОИ ТОҶИКИСТОН БАРОИ ДАРЁФТИ ГАЗИ УЗБАКИСТОН

Як ҳайати ҳукуматии Тоҷикистон ҷиҳати музокирот бо мақомоти Узбакистон дар ҳоли ҳозир дар Тошканд қарор дорад. Як манбаъ дар "Тоҷиктрансгаз" рӯзи 2-юми апрел ба мо гуфт, дар ин ҳайат сарвари ширкат Сайидаҳмад Шарофиддинов ва муовини ӯ Шавкат Шоимов низ шомиланд. Аммо ин манбаъ нагуфт, ки сарварии ин ҳайатро кӣ ба зимма дорад ва ба ҷуз ин ду раҳбари "Тоҷиктрансгаз" боз киҳо ба ин ҳайат шомиланд.

/images/stories/2012/04/02_gaz-uzbak-2412.jpgСайидаҳмад Шарофиддинов, сарвари "Тоҷиктрансгаз" ҳузури худ дар Тошкандро таъйид ва ё такзиб накард. Узбакистон қаблан изҳор дошта буд, ки интиқоли газ ба ҳамсоякишвари шарқиашро батамом қатъ мекунад. Бино ба таъйиди мақомот, шурӯъ аз имрӯз, 2-юми апрел, интиқоли газ ба ширкати "Талко" - бузургтарин корхонаи саноатии Тоҷикистон қатъ шудааст.

Игор Сатторов, сухангӯи "Талко" дар таъйиди ин хабар ба мо гуфт, ширкат то ба ҳол манбаи дигари таъмини истеҳсолот бо маводи сӯхтро пешбинӣ накардааст. Зеро ба гуфтаи ӯ, онҳо умедворанд, ки музокирот сари таъмини ширкат бо гази Узбакистон муваффақ хоҳад буд.

Бино ба иттилои расмӣ, корхонаи "Талко" солона 45-50 миллион метри мукааб, чоряки гази воридотӣ аз Узбакистонро истифода мекунад. Худи Тоҷикистон дар соли 2012-ум аз Узбакистон бояд 200 миллион метри мукааб газ ворид мекард.

Қаблан Сайидаҳмад Шарофиддинов, раиси ширкати "Тоҷиктраснгаз" дар сӯҳбат бо мо амалкарди ҷониби Узбакистонро ба иҷрои қарордоди интиқоли гази ин кишвар ба Чин марбут донист, ки аз аввали моҳи апрел оғоз шудааст.

Дар оғози соли ҷорӣ Узбакистон бидуни огаҳӣ интиқоли газ ба Тоҷикистонро қатъ кард ва танҳо ба дунболи сафари ҳайати баландпояи ин кишвар, таҳти сарварии муовини нахуствазир Муродалӣ Алимардон ба Тошканд ва имзои созишномаи нави интиқоли гази табиӣ миёни Тоҷикистон ва Узбакистон 5-уми январ мушкил рафъ гардид.

"Тоҷиктрансгаз" қаблан эълом дошта буд, ки омода аст аз Туркманистон газ бигирад, аммо дар ин маврид ҳам роҳи ягонаи интиқол - Узбакистон аст.

Коршиносон мегӯянд, мавзӯи сӯҳбати мақомоти тоҷику узбак дар Тошканд ҳам ба азсаргирии интиқоли гази худи Узбакистон ва ё овардани гази Туркманистон тариқи қаламрави ин кишвар ба Тоҷикистон аст.

«Озодӣ»



Назари Шумо

Security code
навсозӣ

sultoni-qalbho
askshoi-khotiravi