54% будҷаи соли ояндаи Тоҷикистон "иҷтимоӣ" хоҳад шуд

Парлумони Тоҷикистон бо аксарияти орои вакилон будҷаи соли 2014-ро дар ҳаҷми 13 миллиарду 901 миллион сомонӣ ё тақрибан 2,9 миллиард доллар қабул кард.

Маҷлиси Намояндагон, палатаи поёнии парлумони Тоҷикистон рӯзи 23-уми октябр лоиҳаи қонун дар бораи будҷаи давлатӣ барои соли 2014 -ро баррасӣ кард ва Сафаралӣ Наҷмиддинов, вазири молия гуфт, ки ҳаҷми будҷа  28,7% маҷмӯъи маҳсулоти дохилӣ ё ММД муқаррар гардид, ки нисбат ба буҷаи давлатии соли ҷорӣ 15,3% ё худ 1,8 миллиард сомонӣ зиёд будааст.

Вазири молияи Тоҷикистон гуфтааст, ки "буҷдаи соли 2014 иҷтимоӣ буда ва 54 дар сади маблағҳои он ба ин бахш равона карда мешавад".

Ба гуфтаи Сафаралӣ Наҷмиддинов, ба бахши иҷтимоӣ 7, 7 миллиард сомонӣҷудо шудааст, ки ин рақам нисбат ба соли ҷорӣ 1, 3 миллиард сомонӣ бештар аст.

Вай афзуд аз ин маблағ 2,5 миллиард ба соҳаи маориф, фарҳанг - 2,7 миллиард ва 1,1 миллиард ба бахши тандурустӣҷудо карда мешавад. Аммо иддае аз вакилон аз шеваи аз худкунии маблағҳои будҷа ва қарзи берунӣ интиқод карданд.

Шодӣ Шабдолов, раҳбари ҳизби коммунист ва вакили парлумон аз шеваи истифодаи маблағҳои қарзӣ ва будҷа, ба хусус соҳаи энергетика интиқод кард ва гуфт, ки "дар баъзе ҳолатҳо маблағҳо ба истилоҳ "обу лой" мешаванд."

«Озодӣ»