Руҷуъи нав ба филми “Рӯҳ” дар Амрико
Филми «Рӯҳ”, ки соли 1990 наворбардорӣ шуда ва муҳаббати хориқулоддаи Сем (Патрик Суэйи) ва Молли (Деми Мур)-ро ба риштаи тасвир кашида буд, бори дигар мавриди таваҷҷӯҳи киноматография қарор гирифтааст.
Ҳоло Акива Голдсман, коргардони машҳури амрикоӣ, муаллифи филмҳои “Бозии хирад” ва “Ман-афсона» тасмим гирифтааст дар ҳамкорӣ бо филмноманависи машҳур Ҷефф Пинкер сериёли телевизионии ҳамномашро офарад. Филми “Рӯҳ” дар замонаш ончунон машҳур шуда буд, ки соҳиби ду “Оскар” гардид ва дар сар то сари олам миллиардҳо тан онро тамошо карданд.
Ин филм аз таърихи муҳаббати ду дилдода ҳикоят мекунад. Сэм баъди марги фоҷеавии худ бо медиум (тибқи тасаввури спиритҳо шахсе, ки байни одамон ва рӯҳҳо воситачӣ аст”) Од Мэй ба ҳам меояд, то ин ки аз омили маргаш қасос гирад ва ба арусаш Моллӣ кӯмак намояд. Филм бо 22 миллион доллар рӯи кор омад, вале баъди намоиш 500 миллион доллар ҷамъоварӣ намуд.
«Рӯзгор»