Хабарҳои фарҳангии ҷаҳон: Таъсири марги Луи Замперини ба Анджелино Ҷолӣ
Майкл Ҷексон баъди маргаш 700 миллион доллар кор кардааст
Маҷаллаи Forbes даромади ситораи поп Майкл Ҷексонро дар панҷ соли баъди маргаш ҳисоб кардааст ва ба ин натиҷа расидааст, ки аз маъруфияти ӯ коста нашудааст. Дар ин панҷ сол Ҷексон тавонистааст бештар аз 700 миллион доллар кор кунад. Маълум шудааст, ки ин сарояндаи машҳур басо соҳибкори соҳибтаҷриба будааст. Вай дар умраш чандин муоҳадаи тиҷоратии муваффақонаро имзо крада, соҳиби даромади зиёд шудааст. Чунончӣ, соли 1985 вай 50 дар сад каталоги сурудҳои ширкати Sony / ATV Music Publishing-ро харид, ки то ҳол ба номи ӯ фоида меоранд. "Майкл Ҷексон ҷаҳонбинии хуби тиҷоратӣ дошт. Вай ба таври муттасил корхонаҳоеро мехариду мефурӯхт, - гуфтааст Кевин Лайлс, собиқ сарвари ширкати Def Jam Recordings.
Таъсири марги Луи Замперини ба Анджелино Ҷолӣ
Ситораи синамои Ҳоливуд Анҷелино Ҷолӣ аз марги ширкаткунандаи Олимпиадаи соли 1936-и Берлин, Қаҳрамони ҷанги дуввуми ҷаҳон Луи Замперини (Lou Zamperini), ки прототипи қаҳрамони филми нави ӯ буд, изҳори ҳамдардӣ кардааст ва гуфтааст, ки аз ин рӯйдод такон хӯрдааст: "Ин талафоти пешбининашаванда аст. Мо ҳамеша аз ӯ миннатдорем, ки ошноӣ бо ӯ зиндагонии моро рангин кард. Мо ӯро ёд хоҳем кард",- гуфтааст Ҷолӣ.
Замперини 97 сол дошт. Хонаводаи варзишгари маъруф гуфтааст, ки вай бар асари бемории пневмония аз олам даргузашт. Филми Ҷолӣ "Шикастнопазир" аз сарнавишти ӯ ҳикоят мекунад. Вай ҷавонтарин ширкаткунандагони он Олимпиада ва ба муҷарради оғози Ҷанги дуюми ҷаҳон дар неруҳои ҳавоии ИМА хизмати аскарӣ кард.
Соли 1943 ҳавопаймое, ки дар он Луи парвоз мекард, дар уқёнуси Ором сарнагун шуд. Муддати 47 рӯз вай мунтазири он буд, ки касе ӯро наҷот медиҳад. Вақте ба соҳил расид, ба асорати ҷопониҳо уфтод. Ва ду соли дигар он ҷо монд. Дар ИМА гумон краданд, ки Луи мурдааст, вале баъди торумор шудани Ҷопон вай ба ИМА баргашт. Қарор аст филм аз сарнавишти ӯ 25-уми декабри соли 2014 намоиш дода шавад.
Лохан созандагони бозии маъруфро ба додгоҳ кашид
Ҳунарманди амрикоӣ Линдси Лохан созандагони бозиеро, ки акнун хеле маъруфият дорад, ба додгоҳ кашидааст. Вай мегӯяд дар ин бозӣ хоставу нохоста бидуни мувофиқа ва розигии ӯ образи вай тасвир шудааст. Духтари виртуалӣ, ки дар ин бозӣ ширкат мекунад, аз назари сурат хеле ба Линдси шабоҳат дорад. Ҳатто дар ин бозӣ аз меҳмонхонае ёд мешавад, ки дар ҳақиқат боре Линдси 46 ҳазор доллар ҳақи будубоши худро пардохт накарда, фирор намуда буд. Лохан мегӯяд акнун инро чунин намемонад ва кӯшиш хоҳад кард дар мурофиаи додгоҳӣ пирӯз ояд.
Бознашр аз ҳафтаномаи «Рӯзгор» №22, 09 илни соли 2014