Рӯзи истиқлолияти давлатӣ муборак, азизони дил!
Ҳамватанони гиромӣ, дӯстони азиз!
Рӯзи Истиқлолияти давлатии Тоҷикистони азизро барои ҳамаи Шумо самимона муборак бод гуфта, орзуманди онем, ки осмони Ватани биҳиштосои мо ҳамеша софу беғубор бошаду сулҳу оштиву ваҳдат дар сарзамини мо абадан пойдор бимонад.
Дуъо мекунем , ки Парвардигори азимушшаън бахту саодат ва рузгори пурфароғатро барои ҳар як сокини давлати мо арзонӣ бидорад. Мардуми Тоҷикистон дар муҳити созгор ба рушду тараққии кишвар, дар фазои сулҳу субот, дар ҳамдиливу ҳамбастагӣ дар канори ҳам барои беҳбудиву ободии ин мулк саъйю талош бинамоянд ва Ватани моро ба як кишвари пешрафтаи даврон табдил бидиҳанд.
Рӯзи истиқлолияти давлатӣ муборак, азизони дил!
Ватанам
Дилу ҷонӣ ба танам, ай Ватанам,
Наканам дил зи ту ҳаргиз, наканам.
Биравам гар зи дарат, ё зи барат,
Наравад номи хушат аз даҳанам,
Ба назар боғу гулистонӣ ту агар,
Манам он булбули масти чаманам.
Зи ҳазор атри Парис, мушки Хутан
Беҳтар аст бӯи гулу ёсуманам.
Гар адӯқасди ҳавои ту кунад,
Тири ӯ хок диҳам, сар шиканам.
Агар аз амри ту поро бикашам,
На манам он, на манам он, на манам.
Аҳли эҷоди сомонаи «Рӯзгор»