03:19:07 11-уми Апрели 2021 сол
"РӮЗГОР" - "RUZGOR"
1,477 аъзо
Ҳамроҳ шудан ба гурӯҳ
Ба гуруҳи мо "РӮЗГОР" ва "Ruzgor CINEMA" дар фейсбук обуна шавед! Бо мо будан боз ҳам дурахшон сохтани рӯзгори хеш мебошад. Мо бо маводҳои...
Ahmad Zahir - banner 2015
 
 collage-You-ube-Ruzgor

Qissahoi hijrat - 2015
 
1.banner grunger 2019

Тақвим

<< < Апрел 2021 > >>
Дш Сш Чш Пш Ҷм Шб Яш
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

Додгоҳ аз "Нигоҳ" хост, дар бораи бонки Пиров нанависад

Додгоҳи ноҳияи Исмоили Сомонӣ аз ҳафтаномаи “Нигоҳ” тақозо кардааст, ки аз нашри матлабе дар бораи “Тоҷиксодротбонк” худдорӣ кунад. Нашрия ин тақозои додгоҳро ғайриқонунӣхонд. Нашрияи мустақили "Нигоҳ" тақозои додгоҳи ноҳияи Исмоили Сомонӣ дар мавриди худдорӣ аз нашри матлаб дар бораи "Тоҷиксодиротбонк"-ро ғайриқонунӣ медонад.

bonki-pirov 459889Саймуддин Дӯстов, сармуҳаррири “Нигоҳ” рӯзи 18 ноябр ба мо гуфт, мактуби додгоҳ бо имзои додрас Ҳ. Раҷабзодаро бо ҳуқуқшиносони соҳа мавриди баррасӣқарор дода, ба хулосае расидаанд, ки ин далели рӯирост бо қонуншиканӣ монеа эҷод кардан ба фаъолияти журналистӣ, кӯшишҳои ғайриқонунӣқатъ кардани нашри силсиламақолаи “Тилисми Тоҷиксодиротбонк” аст, ки ба таҳқиқи як қазияи фиреби муштарӣ пардохта буд.

Ин матлаби “Нигоҳ” се ҳафта ба таври силсила нашр шудааст. Дар он як муомилаи пулии беш аз 1 миллион доллар миёни Қамаруззамон Азизов, аз оилаи маъруфи овозхонон Азизовҳо ва “Тоҷиксодиротбонк”- и Тоҷиддин Пиров меравад. Даъвои аввалӣ ин аст, ки кормандони бонк бо роҳандозии як барнома хостаанд хонаву дари ӯву хушдоманашро, ки ба гарав гузошта шуда буданд, аз худ кунанд.

Рӯзи 12 ноябр, додгоҳи ноҳияи Исмоили Сомонии шаҳри Душанбе бо имзои Ҳ. Раҷабзода бо як таъинот аз ҳафтаномаи “Нигоҳ” тақозо карда буд, ки ба нашри силсиламақолаи “Тилисми Тоҷиксодиротбонк” то моҳиятан баррасӣ гардидани парвандаи шаҳрвандӣ ва эътибори қонунӣ пайдо намудани ҳалномаи суд хотима бахшад. Ин таъинот дар пайи муроҷиати раҳбарияти “Тоҷиксодиротбонк” ба додгоҳи ноҳияи Исмоили Сомонӣ бароварда шудааст.

Саймуддин Дӯстов мегӯяд, додрас огоҳона бар асоси дархости “Тоҷиксодиротбонк” ва бе иштироки намояндаи нашрия қарор қабул кардааст. Вай афзуд, ҳатто даъвогарони ин қазия - Искандаровҳо огоҳ накарда, хулосаи соддаеро баровардааст, ки дар матлаб “натиҷаи мурофиаи судӣ” пешакӣ баён шудааст, ҳол он ки чунин нест. Ӯ мегӯяд, "судя дар рафти баррасии дархост ва қабули таъйинот ҳолатҳои корро наомӯхта, ягон матлаби ин силсила-мақолаи  "Нигоҳ"-ро нахондааст. Агар мехонд, мутмаин мешуд, ки дархости бонк ғайриқонунӣ ва ғаразнок аст. Дар се матлаби силсила-мақола сухан аз ҳолатҳои кор, амалҳои ғайриқонунии директори ҶДММ “Луна-2003” Рустам Қаюмов, кормандони алоҳидаи ҶСК “Тоҷиксодиротбонк” ва дигар шахсони манфиатдор меравад ва натиҷаи ҳич як мурофиаи судӣ дар се мақола зикр нашудааст. Кирдори “муҳокимаи натиҷаи пешакии мурофиаи судии парвандаи мушаххаси судӣ” дар амалҳои журналистони “Нигоҳ” вуҷуд надорад.

Қурбонназар Восиев, сухангӯи “Тоҷиксодиротбонк” ба мо гуфт, далели муроҷиати намояндаи бонк ба додгоҳ ин буд, ки парвандаи мазкур дар ҳоли баррасиҳои судӣ аст ва дар ин мақтаъи замонӣ пардохтан ба нашри тафсилоти он то ҷое дахолат ба тафтиши додгоҳ аст.

Баҳси Фароғат Искандарова, хушдомани Қамаруззамон Азизов аз як сол ба ин сӯ дар додгоҳи ноҳияи Исмоили Сомонӣ идома дорад. Бино ба ин баҳс, Қамаруззамон Азизов аз “Тоҷиксодиротбонк” барои сармоягузории тиҷорати ҳамкораш Рустам Қаюмов ҳудуди 1 миллион доллар қарз гирифта, манозили зисти худу хушдоманашро ба гарав ниҳодааст. Дар ин миён, ҳамкори тиҷоратиаш ба Туркия  фирор карда, ба ҳамин минвол, Азизовро низ дар ҳолати ногувор гузоштааст. Тафсилоти қазия то ба ҳол рӯшан гуфта намешавад.

“Озодӣ



Назари Шумо

Security code
навсозӣ

sultoni-qalbho
askshoi-khotiravi