Маросими ифтитоҳи хонаи ятимон дар ҷамоати “Ширин-Чашма»
Муовини Роҳбари ҳайати дипломатии ИМА дар Тоҷикистон Роберт Бёрҷесс ва Раиси ноҳияи Тоҷикобод Ализода Хоҷамир дар маросими ифтитоҳи хонаи ятимони ҷамоати «Ширин -чашма» -и ноҳияи Тоҷикободи водии Рашт ширкат варзиданд.
Хонаи ятимони мазкур дар чорчӯбаи лоиҳаи Сафорати ИМА, ки соли 2013 бо мақсади таъмин намудани ятимон ва толибилмон бо ҷои зист, ки ҳангоми фароҳам овардани фазои мусоид барои омӯзиш дар мактаб-интернат сокин шудаанд, сохта шудааст.
Ин лоиҳа имкониятҳои мактабро дар нигоҳубин намудани кӯдакони ятим дар ноҳияҳо васеътар намуда, биноҳҳои хобгоҳ, синфхонаҳо, ошхона, хоҷатхонаву ҳаммомро барои истифодаи даҳҳо кӯдакони ятими гирду атроф қарор додааст. Қабл аз сохтани бинои нави хонаи ятимон, мактаби мазкур берун аз чорчӯбаи имкониятҳои худ, барои зисти кӯдакон ду синфхонаро фароҳам оварда буд.
Кормандони Сафорати ИМА бо кӯмаки мансабдорони Ҳукумати маҳаллӣ ва намояндагони соҳаи маорифи ноҳия ниёз ба фароҳам овардани шароити мусоиди зист ва беҳдоштӣ барои толибилмон ва ятимони ноҳияи Тоҷикободро муаяйн намуданд. Сохтумони бинои мазкур баъд аз баргузор намудани якчанд вохӯриҳо миёни намояндагони Сафорати ИМА ва Ҳукумати маҳаллӣ, сафарҳо ва гузаронидани таҳқиқот имконпазир гардид.
Хонаи ятимони ҷамоати «Ширин -чашма» аз ҳамкории миёни Ҳукумати ИМА ва Вазорати маориф ва илм ҷиҳати беҳтар намудани сатҳи зиндагӣ ва сайқал додани сатҳи дониши кӯдакони ятим ва толибилмони ноҳияи Тоҷикобод шаҳодат медиҳад,- омадааст дар иттилоияие, ки Сафорати ИМА барои хабарнинорон таҳия ва дастрас кардааст.
“Рӯзгор”